لاڑکانہ(نمائندہ جسارت) نوڈیرو کے قریب تھانہ کیٹی ممتاز کی حدود گاؤں برڑا سے رانی پور کے مدرسے کے دو طالبعلم پراسرار طور پر لاپتا ہوگئے ہیں ان کے اہل خانہ نے طالبعلموں کو تلاش کرنے میں مدد کی اپیل کی ہے۔ اس حوالے سے بچوں کے ماموں فاروق بھٹو نے بتایا کہ میرے دو بھانجے 13 سالہ محمد افضل اور 15 سالہ محمد عیسیٰ بھٹو رانی پور کے ایک مدرسے میں دینی تعلیم حاصل کرتے ہیں جو گزشتہ روز گھر سے نکلنے کے بعد پراسرار طور پر لاپتا ہوگئے ہیں جنہیں رشتے داروں اور دیگر علاقوں میں تلاش کرنے سمیت حد کے تھانہ کیٹی ممتاز پر شکایت بھی کی لیکن اس کے باوجود ان کا کچھ پتا نہ چل سکا جس کے باعث تمام گھر والے شدید پریشانی میں مبتلا ہیں۔ انہوں نے ڈی آئی جی اور ایس ایس پی لاڑکانہ سے اپیل کی کہ دونوں طالبعلموں کو تلاش کرنے میں مدد کرے۔
