گوجرانوالا(نمائندہ خصوصی) پاکستان ہاکی فیڈریشن کی زیر نگرانی و پنجاب ہاکی ایسوسی ایشن کے زیر اہتمام گھگڑ اسپورٹس کمپلیکس گوجرانوالا میں آل پاکستان کمشنر گوجرانوالا گولڈ کپ ہاکی ٹورنامنٹ کے تیسرے دن 3 میچز کھیلے گئے۔ ایونٹ کے تیسرے دن کا پہلا میچ واپڈا اور سندھ کے درمیان کھیلا گیا۔جو واپڈا نے. 0-4 سے جیت لیا.واپڈا کی جانب سے علیم بلال اور غضنفر نے ایک ، ایک جبکہ عبدالرحمن نے 2,2 گول کیے۔ دوسرا میچ نیوی اور پنجاب وائٹ کے درمیان کھیلا گیا.جو نیوی نے ایک سنسنی خیز میچ میں 2 کے مقابلے میں ایک گول سے جیت لیا. نیوی کی جانب سے اکبر علی اور شہباز نے ایک، ایک گول اسکور کیا جبکہ پنجاب وائٹ کی جانب سے واحد گول شان ارشاد نے اسکور کیا. ایونٹ کا تیسرا میچ ماڑی پیٹرولیم اور کے پی کے کے درمیان کھیلا گیا.جو ماڑی پیڑولیم نے 2-9 سے جیت لیا. ماڑی پیٹرولیم کی جانب سے ارشد لیاقت ,غضنفر نے 2,2 ,عبداللہ, عمیر ستار, افضر,عباس اور وسیم اکرم نے ایک، ایک گول اسکور کیا.جبکہ کے پی کے کی جانب سے سمیع اللہ اور یاسر خان گول کرنے میں کامیاب ہوئے۔ میچ کے مہمان خصوصی نیویارک میں مقیم سابق ہاکی کھلاڑی رضوان یزدانی تھے۔ انکے ہمراہ ممبر قومی ہاکی سلیکشن کمیٹی اولمپین خالد حمید تھے۔
