سکھر (اے پی پی) سکھر میں 2 بھائیوں کے جھگڑے نے خاتون سمیت 6 افراد کی جان لے لی، علاقے میں خوف وہراس پھیل گیا، پولیس کی بھاری نفری نے علاقے کا کنٹرول سنبھال لیا۔ تفصیل کے مطابق سکھر ضلع کے تما چانی تھانے کی حدود میں شیخ برادری کے 2 بھائیوں میں درخت کاٹنے کے معاملے پر ہونے والے جھگڑے میں دونوں بھائیوں اور ان کے حمایتیوں نے ایک دوسرے پر جدید اسلحے سے فائرنگ کردی جس کے نتیجے میں ایک خاتون سمیت 6 افراد موقع پر ہی ہلاک ہوگئے جبکہ ایک خاتون زخمی ہوگئی۔ مقتولین میں خاتون مسمات نسرین، پرویز، اویس اور 3 سگے بھائی غلام نبی، غلام اکبر، غلام محمد شامل ہیں۔
