سکھر( نمائندہ جسارت) پولیس کی جرائم پیشہ افراد کے خلاف کارروائیاں، قتل کے ملزم سمیت10 ملزمان گرفتار، مقدمات درج، ترجمان پولیس کے مطابق تھانہ آباد پولیس نے دوران ناکہ بندی کارروائی میں قتل کیس میں مطلوب ملزم زاہد علی موھیل کو اسلحہ سمیت گرفتار کر لیاگیا، گرفتار ملزم زاہد موھیل قتل کیس میں پولیس کو مطلوب تھا، ملزم کے قبضے سے ٹی ٹی پستول میگزین گولیاں برآمد کی گئی ہے، بی سیکشن پولیس نے خفیہ اطلاع پر جوا کے اڈے پہ چھاپے کے دوران 3 ملزمان ملزمان میں محمد شاہد قریشی ، جاوید جونیجو ، صابر اقبال مغل کو گرفتار ملزمان کے قبضے سے بکس، نقد کیش، و دیگر اشیاء برآمد کر لیں، سی سیکشن پولیس کی مختلف مقامات پر کارروائیاں، دوران اسنیپ چیکنگ منشیات گٹکا اور چرس سمیت 2 ملزمان کوگرفتار کر لیا ،گرفتار ملزم غلام سرور چانڈیو کے قبضے سے 1100 گرام چرس برآمد کی گئی ہے،دیگر کارروائی میں ملزم عبدالباسط انصاری کے قبضے سے 50 عدد گٹکا برآمد کیا گیا، صالح پٹ پولیس نے اسنیپ چیکنگ کے دوران قتل کے مقدمے میں مطلوب اشتہاری ملزم وقار تگڑ کو گرفتار کر لیا، گرفتار ملزم قتل سمیت دیگر مقدمات میں مطلوب تھا۔
