کراچی (اسٹاف رپورٹر) کراچی ٹینس ایسوسی ایشن کے زیر اہتمام پہلی آل سندھ مسلم اسپورٹس ٹرافی ٹینس چیمپئن شپ 19 فروری سے یونین کلب ٹینس کورٹ میں کھیلی جائے گی۔ ٹورنامنٹ میں مینز سنگلز، لیڈیز سنگلز، وہیل چیئر مینز سنگلز، مینز ڈبلز کے ایونٹس شامل ہوں گے۔ جونیئرز ٹینس اور سافٹ ٹینس کو فروغ دینے کے لیے منتظمین نے جونیئرز کے کچھ مقامی ایونٹس شامل کیے ہیں، ان میں انڈر 15 سنگلز، انڈر 11 سنگلز، انڈر 7 سنگلز، (انڈر 7 ایونٹ منی کورٹس پر تبدیل شدہ گیندوں کے ساتھ کھیلا جائے گا) شامل ہیں۔ بیچ ٹینس ایونٹس اتوار 20 فروری کو کلفٹن بیچ میں صبح 10 بجے ہوگا۔
