اسلام آباد: مری روڈ بہارہ کہو پر خوفناک ٹریفک حادثے میں 4 دوست جاں بحق اور ایک شدید زخمی ہو گیا۔
تفصیلات کے مطابق بہارہ کہو سے مری جانے والی گاڑی بھیرہ پل کے قریب تیز رفتاری کے باعث پیٹرول پمپ کے بورڈ سے ٹکرا گئی۔ حادثے میں گاڑی میں سوار 4 دوست موقع پر ہی جاں بحق ہو گئے جبکہ ایک کو شدید زخمی حالت میں پمز اسپتال منتقل کر دیا گیا ہے۔
حادثے میں جاں بحق ہونے والے 3 افراد کی شناخت فرحان، فہد اور حمزہ کے ناموں سے ہوئی ہے۔
