لاڑکانہ (نمائندہ جسارت) شہر کے تھانہ ولید کی حدود دی سٹی اسکول کے قریب کار پارکنگ سے نامعلوم چوروں نے رشید وگن ہائی اسکول کے ٹیچر پرویز لاکھو کی کار لاک توڑ کر کار چوری کرکے فرار ہوگئے۔ اطلاع کے باوجود پولیس نے دیر سے پہنچ کر واقعے سے متعلق تفصیلات معلوم کیں۔ اس موقع پر متاثرہ ٹیچر پرویز لاکھو نے احتجاج کرتے ہوئے بتایا کہ میرا بھتیجا دی سٹی اسکول میں زیر تعلیم ہے جسے میرا ڈرائیور لینے کے لیے اسکول آیا اُس نے کار پارکنگ میں کھڑی کردی جبکہ 15 منٹ بعد جب وہ پارکنگ میں آیا تو کار موجود نہیں تھی جسے لاک توڑ کر نامعلوم چور چوری کرکے لے گئے ہیں۔ انہوں نے مطالبہ کیا کہ گاڑی واپس کرکے چوروں کے خلاف سخت کارروائی کی جائے۔
