سکھر :پولیس کی بڑی کارروائی شراب سے بھری کار پکڑ لی

سکھر (نمائندہ جسارت)پولیس نے جھانگڑو تھانہ کی حدود میں بڑی کارروائی کے دوران اسنیپ چیکنگ میں شراب سے بھری کار کو پکڑ کر شراب برآمد کرلی۔ ایس ایچ او تھانہ جھانگڑو کا علی واھن گیٹ کے قریب دوران اسنیپ چیکنگ کارروائی کرتے ہوئے 2 ملزمان ڈیلروں کو شراب کی بوتلیں سمیت گرفتار کرلیا گیا،ملزمان کی کار نمبر AMJ-542 آلٹو کو روک کر تلاشی کے دوران 40 شراب کی بوتلیں،2 موبائل فونز اور 70 ہزار نقد رقم برآمد کرنے کے بعد مقدمہ درج کر لیا گیا،گرفتار ملزمان میں فیاض بھٹو ، محمد ابرہیم کلھوڑو شامل ہیں۔