عزیر شوکت سندھ سیٹلائٹ اسکواش کے فائنل میں

کراچی(اسٹاف رپورٹر) عزیرشوکت اور اصحاب عرفان نے کومبیکس اسپورٹس سندھ سیٹلائٹ اسکواش چمپئن شپ مینزکیٹگری کے فائنل کیلیے کوالیفائی کرلیا ۔خواتین کیٹگیری میں زینب خان اور نورالہدی فائنل میں مدمقابل ہوں گی۔ مینزکیٹگری کا فائنل آج پاکستان نیوی روشن خان جہانگیرخان اسکواش کمپلیکس فلیٹ کلب صدر میں کھیلا جائے گا تقسیم انعامات کی تقریب کے مہمان خصوصی اسکواش لیجنڈ اورسابق عالمی چمپئن جہانگیر خان ہوں گے ۔ مینز کیٹگری کے پہلے سیمی فائنل میں عذیرشوکت نے اپنے مدمقابل نویدرحمان کو 11/ 7-11/ 8-9/ 11-11/9 7/11- سے شکست دی دوسرے سیمی فائنل میں اصحاب عرفان نے سعیدعبدل کو11/ 5-11/ 4-1/ 11-10/ 12-11/6سے ہرادیا۔ویمنزکے پہلے سیمی فائنل میں زینب خان نے انعم عزیزمصطفی کو جبکہ نورالہدی نے روشنا محبوب کو 11/4 -11/7 -11/4 سے شکست دی۔