راولپنڈی: چیف سیکریٹری پنجاب کامران علی افضل نے جمعہ کی رات برفباری سے قبل مری کے مختلف علاقوں کا دورہ کیا اور برف ہٹانے اور ٹریفک رواں کیلئے کئے جانیوالے انتظامات کا جائزہ لیاانہوں نے مانیٹرنگ کیلئے قائم کنٹرول روم کا بھی معائنہ کیا اور ضروری ہدایات جاری کیں چیف سیکریٹری نے انتظامیہ، پولیس اور سکیورٹی اداروں کی جانب سے کئے گئے انتظامات کو سراہا اور کہا کہ برفباری کے دوران امدادی کارروائیوں کیلئے تمام تیاریاں مکمل ہیں اور کنٹرول روم فعال ہے انہوں نے کہا کہ مری آنے والے انتظامیہ سے تعاون کریں اور ٹریفک پولیس کی جانب سے مری کی طرف سفر نہ کرنے کی ایڈوائزری جاری ہونے پر سفر سے گریز کریں کمشنر راولپنڈی ڈویژن، ڈپٹی کمشنر راولپنڈی اور متعلقہ افسران بھی اس موقع پر موجود تھے۔
