پشاور /لاہور (آن لائن +صباح نیوز) پشاور میں ارباب روڈ انقلاب کالونی تہکال کے قریب کچے مکان کی چھت گرنے سے ملبے تلے دب کر 5 افراد جاں بحق اور 2 زخمی ہو گئے۔ریسکیو حکام کے مطابق جاں بحق افراد میں ماں اور بیٹیاں شامل ہیں جبکہ زخمیوں کو طبی امداد کے لیے خیبر ٹیچنگ اسپتال منتقل کر دیا گیا ہے۔۔علاوہ ازیں لاہور کے علاقے ملتان روڈ پر واقع ہائوسنگ سوسائٹی کے باہر ہوٹل میں سلنڈر دھماکا ہوا جس کے نتیجے میں 8 افراد جھلس کر زخمی ہوگئے ہیں۔
