ریاض ایلیٹ گیم چینجرز (آرای جی سی) نے ریاض کرکٹ ایسوسی ایشن کے زیر اہتمام الحاکیر گروپ کے تعاون سے الخرج لیگ کرکٹ ٹورنامنٹ 22-2021ء کے چیمپئن کا تاج اپنے نام کر لیا۔ فائنل میں آر ای جی سی نے لاہور بادشاہ کو سخت مقابلے کے بعد 6 رنز سے شکست دے دی۔ لاہور بادشاہ نے ٹاس جیت کر بیٹنگ کی دعوت دی۔ فاتح ٹیم نے مقررہ 40 اوورز میں 299 رنز اسکور کیے۔ اوپنرعظیم الدین نے 16 گیندوں پر 38، عثمان نے 66 گیندوں پر 76، بلال نے 50 گیندوں پر 52، ہشام نے 58 گیندوں پر 83 اور پرسنتھ نے برق رفتاری سے 8 گیندوں پر 29 رنز بنائے۔ لاہور بادشاہ کے نبیل، عاصم اور عادل نے 3-3 وکٹیں حاصل کیں۔ جواب میں لاہور بادشاہ کی ٹیم 6 رنز کی کمی سے مطلوبہ ہدف حاصل نہ کر سکی۔ مدثر اقبال نے 57 گیندوں پر 73 رنز نجیب 69 ، عادل 30 اور اسماعیل 16 رنز بناکر نمایاں بیٹسمین رہے۔ ہشام شیخ کو 83 رنز بنانے اور 3 وکٹیں حاصل کرنے پر مین آف دی میچ قرار دیا گیا۔
