راولپنڈی(اے پی پی):گریٹر برمنگھم چیمبر آف کامرس کے وائس پریذیڈنٹ ناصر اعوان نے راولپنڈی چیمبر آف کامرس کا دورہ کیا۔ اس موقع پر صدر ندیم رئوف، گروپ لیڈر سہیل الطاف، سینئر نائب صدر عاصم ملک، نائب صدر طلعت اعوان، سابق صدور شاہد سیلم، صبور ملک اور چیمبر ممبران بھی موجود تھے۔صدر چیمبر ندیم رئوف نے نائب صدر ناصر اعوان کو چیمبر کی جاری سرگرمیوں پر مختصر بریفنگ دی، انہوں نے کہا کہ دونوں چیمبرز کے درمیان قریبی رابطے موجود ہیں ، کاروباری مواقع کانفرنس اور سرمایہ کاری کے لیے وفود کا تبادلہ نہایت ضروری ہے۔
