کراچی ( اسٹاف رپورٹر)پی ایس ایس او حیدرآباد کرکٹ میلہ پی ایس ایس او حیدرآباد ٹائیگر نے جیت لیا ،نیاز اسٹیڈیم حیدرآباد پر کھیلے گئے فائنل میں پی ایس ایس او حیدرآباد لائنز کو 26رنز سے شکست کا سامنا کرنا پڑا ۔فائنل میں فاتح ٹیم حیدرآباد ٹائیگرز کے کپتان فہد ندیم نے ٹاس جیت کر پہلے بیٹنگ کی اور اس نے پہلے کھیلتے ہوئے144رنز اسکور کیے، جس کے جواب میں حیدرآباد لائنز 118رنز پر آئوٹ ہو گئی ۔ فاتح ٹیم کی جانب سے جہاںزیب نے6وکٹیں حاصل کیں،انہیں مین آف دی میچ قرار دیا گیا ۔ایس ایم فہد کو 112رنز اسکور کرنے اور وکٹوں کے پیچھے 8 شکار کرنے پر ایونٹ کا بہترین بیٹر وکٹ کیپر قرار دیا گیا ،شیراز خان142رنز کے ساتھ بہترین بیٹرجبکہ 9وکٹوں کے ساتھ طیب بہترین بولر قرار پائے ۔فائنل میچ کے مہمان خصوصی کمشنر حیدرآباد محمد عباس بلوچ تھے جنہوں نے فاتح ٹیم کے کپتان فہد ندیم اور رنر اپ ٹیم کے کپتان سکندر سومرو کو وننگ اور رنر ٹرافیاں اور دیگر انعامات دیے،اس موقع پر مہمان اعزازی سابق ایم پی اے عبدالرحیم راجپوت ،شکیل احمد قریشی اور دیگر بھی موجود تھے،اعزازی مہمانوں میں کراچی سے تشریف لائے نوید محبوب عظمی اور اطہر عباس بھی موجود تھے۔اس سے قبل پی ایس ایس او حیدرآباد کے سیکریٹری ایس ایم ندیم نے مہمان خصوصی کمشنر حیدرآباد کو اجرک اور سندھی ٹوپی کا تحفہ پیش کیا ۔
