آصف زرداری اسلام آباد پہنچ گئے‘ سیاسی شخصیات سے ملاقات کرینگے

اسلام آباد(صباح نیوز)سابق صدر مملکت آصف علی زرداری وفاقی دارالحکومت اسلام آباد پہنچ گئے۔ذرائع کے مطابق آصف علی زرداری اسلام آباد میں مختلف سیاسی شخصیات سے ملاقاتیں کریں گے۔ایک نجی ٹی وی کے مطابق سابق صدر اس دوران ملکی سیاسی صورتحال اور اسپیکر قومی اسمبلی اور چیئرمین سینیٹ کے خلاف ممکنہ عدم اعتماد کی تحاریک سے متعلق حکمت عملی پر بھی
غور کریں گے۔دوسری طرف وزیراعلیٰ سندھ سید مراد علی شاہ نے کہا تھا کہ آصف علی زرداری پیر کو بینظیر بھٹو کے برسی جلسے میں شرکت نہیں کریں گے۔انہوں نے کہا تھا کہ آصف علی زرداری کی طبیعت ٹھیک نہیں ہے،اسی لیے وہ گڑھی خدابخش کے جلسے میں شریک نہیں ہوں گے۔