کوئٹہ ( آن لائن )صوبہ بلوچستان کے دارالخلافہ کوئٹہ اور پشین میں زلزلے کے جھٹکے محسوس کیے گئے ہیں۔کوئٹہ کے نواحی علاقے کچلاک اور بلیلی جبکہ پشین کے علاقے خانو زئی میں میں زلزلے کے جھٹکے محسوس کیے گئے ہیں۔ ابتدائی اطلاعات کے مطابق زلزلے کے جھٹکے 11 بج کر 39 منٹ پر محسوس کیے گئے۔ زلزلہ پیما مرکز کے مطابق ریکٹر اسکیل پر زلزلے کی شدت 4.8 ،زلزلے کی گہرائی 10کلومیٹر جبکہ مرکز قلات کے شمال مغرب سے 40کلومیٹر پر واقع تھا ۔آنے والے زلزلے سے کسی جانی نقصان کی اطلاع نہیں ملی ہے۔
