کراچی(اسٹاف رپورٹر) پیپلزپارٹی کے چیئرمین بلاول زرداری سے بلاول ہاؤس میں سابق وزیراعلی سندھ قائم علی شاہ نے ملاقات کی اور سیاسی صورت حال سمیت اہم امور پرمشاورت کی۔ پیپلزپارٹی کے چیئرمین سے بلاول ہاؤس میں ایوان بالا میں قائد حزب اختلاف یوسف رضا گیلانی نے تعلیمی محقق اور سرائیکی وسیب میں ثقافتی حوالے سے سرگرم شخصیت مشتاق گاڈی کے ساتھ ملاقات کی، ملاقات میں سینیٹ میں قانون سازی سے متعلق امور پر تبادلہ خیال کے علاوہ وسیب کی سماجی صورت حال پر بات چیت کی گئی۔بلاول زرداری سے پی پی پی ٹھٹھہ کے صدر اور وزیراعلیٰ سندھ کے معاون خصوصی صادق میمن اوربلوچستان سے تعلق رکھنے والے سینیٹر سیف اللہ مگسی نے ملاقات کی، ملاقات میں سیاسی صورت حال پر تبادلہ خیال کیاگیا۔
