پشاور(آن لائن)تھانہ فقیر آباد کی حدود میں سی ٹی ڈی اور پشاور پولیس کے مشترکہ آپریشن کے دوران کالعدم تنظیم سے تعلق رکھنے والے3 دہشت گرد ہلاک ہو گئے، ہلاک دہشت گردوں میں سے ایک کا تعلق افغانستان، ایک باجوڑ جبکہ ایک مہمند سے تعلق رکھتا تھا، ملزمان کو کچھ عرصے سے تلاش کیا جا رہا تھا جو گزشتہ شب خفیہ اطلاع ملنے پر جیسے ہی پولیس ٹیمیں موقع پر پہنچیں تو دہشت گردوں نے پولیس پارٹی پر اندھا دھند فائرنگ شروع کی، پولیس اور سی ٹی ڈی ٹیم کی جوابی فائرنگ سے تینوں دہشت گرد ہلاک ہوئے جن کے قبضے سے 3 عدد کلاشنکوف، پستول اور بارودی مواد بھی برآمد ہوا ہے، دہشت گردوں میں سلیمان، حیات اور عبداللہ شامل ہیں جو دہشت گردی، ٹارگٹ کلنگ اور دیگر سنگین مقدمات میں مطلوب تھے۔
