بدر جعفری کرکٹ ، مجاہد جمخانہ اور سرسید کلب کی فتح

کراچی(اسٹاف رپورٹر)بدر جعفری انویٹیشن کرکٹ ٹورنامنٹ میں مجاہد جمخانہ اور سرسید کرکٹ کلب نے اپنے اپنے میچوں میں کامیابیاں حاصل کرلیں، ولی خان اور سفیان خان نے عمدہ اور جارحانہ سنچریاں بنائیں۔ زیڈ اے سپورٹس کے زیراہتمام ٹی ایم سی کرکٹ گرائونڈ میں کھیلے گئے میچ میں مجاہد جمخانہ نے مجاہد جمخانہ کولٹس کو باآسانی 142 رنز سے شکست دیدی۔ مجاہد جمخانہ نے پہلے بیٹنگ کرتے ہوئے مقررہ 40 اوورز میں تین وکٹوں کے نقصان پر 371 رنز سکور کیے۔ ولی خان نے 143 رنز اسکور کیے۔ سفیان خان نے 110 رنزبنائے۔ مجاہد جمخانہ کولٹس کی ٹیم 371 رنز کے ہدف کے تعاقب میں 38.3 اوورز میں 229 رنز بناکر آئوٹ ہوگئی۔ ارسلان نبی نے 43 رنز حسن کمال نے 33 رنز اسکورکیے۔ایسٹرن اسٹار کرکٹ گرائونڈ میں کھیلے گئے دوسرے میچ میں سرسید کرکٹ کلب نے تیسرٹائون ٹائیگر کرکٹ کلب کو 44 رنز سے شکست دیدی۔ سرسید کرکٹ کلب نے پہلے بیٹنگ کرتے ہوئے مقررہ 40 اوورز میں سات وکٹوں کے نقصان پر 276 رنزا سکور کیے۔جواب میں تیسرٹائون ٹائیگر کی پوری ٹیم ہدف کے تعاقب میں 361 اوورز میں 232 رنز بناکر آئوٹ ہوگئی۔ حبیب اللہ نے 76 ، گلزار علی نے 46 اور خالد نے 38 رنز اسکور کیے۔