کراچی ( اسٹاف رپورٹر)یوم جناح آل کراچی انٹر ڈسٹرکٹ ہاکی ٹورنامنٹ میں ساؤتھ کا فاتحانہآاغاز، ٹورنامنٹ کے دوسرے روز کھیلے جانے والے پہلے میچ میں ڈسٹرکٹ کیماڑی کو 4-9 سے شکست دیدی، دوسرے میچ میں ڈسٹرکٹ ملیر نے دلچسپ مقابلے کے بعد ڈسٹرکٹ کورنگی کو 1-2 سے زیر کیامیچ کے بہترین کھلاڑیوں کو ٹاپ سٹی مین آف دی میچ ایوارڈ سے نوازا گیا، تفصیلات کے مطابق کراچی ہاکی ایسوسی ایشن کے زیر انتظام بھٹائی رینجرز سندھ 72 ونگ کے اشتراک اور آفیشل اسپانسر ٹاپ سٹی کے تعاون سے کے ایچ اے اسپورٹس کمپلیکس گلشن اقبال میں جاری یوم جناح آل کراچی انٹر ڈسٹرکٹ ہاکی ٹورنامنٹ کے دوسرے روز ایونٹ کے دوسرے میچ میں ڈسٹرکٹ ملیر نے سنسنی خیز مقابلے 1-2 سے شکست دیدی۔ پہلے ہاف کے اختتام پر ڈسٹرکٹ ملیر کو کھیل کے اغاز میں ہی محمد عدنان کے گول کے باعث ایک گول کی برتری حاصل تھی، دوسرے ہاف میں کے 49 ویں منٹ زوہیب خان نے گیند جال میں پھینک کر فاتح ٹیم کی پوزیشن 0-2 سے مستحکم کردی، ڈسٹرکٹ کورنگی کا واحد گول میسم عباس نے کھیل کے 55 ویں منٹ میں کیا،محمد طلحہ میچ کے بہترین کھلاڑی قرار پائے۔ایونٹ کے تیسرے میچ میں ڈسٹرکٹ سائوتھ نے ڈسٹرکٹ کیماڑی کو 4-9 سے بآسانی شکست دیدی، پہلے ہاف کے اختتام پر فاتح ٹیم کو 0-5 کی واضح برتری حاصل تھی۔
