ڈھاکا(جسارت نیوز)بنگلادیش کرکٹ بورڈ نے ٹی ٹوئنٹی سیریز جیتنے کے بعد پاکستان کو ٹرافی نہ دینے کے معاملے پر بیان جاری کردیا۔پاکستان اور بنگلادیش کے درمیان ٹی ٹوئنٹی سیریز میں فتح حاصل کرنے کے بعد پاکستانی کھلاڑی ٹرافی نہ ملنے پر حیران تھے، تاہم اب بنگلادیش کرکٹ بورڈ کی جانب سے اس پر باضابطہ ٹیم مینجمنٹ کو آگاہ کیا گیا ہے۔ترجمان بنگلادیش بورڈ نے کہا ہے کہ ٹی 20 کی ٹرافی ٹیسٹ سیریز کے اختتام پر دیں گے کیونکہ ٹی 20سیریز کی فاتح ٹرافی بنگلا دیشی بورڈ کے سربراہ نے دینی ہے جو ابھی دستیاب نہیں۔ رابد امام کا کہنا تھا کہ بنگلادیش بورڈ اور اسپانسر ادارے کے افراد بائیو سکیور ببل کا حصہ نہیں لہذا کورونا پابندیوں کے سبب ٹی20ٹرافی پاکستانی ٹیم کو نہیں دی۔
