کوٹری (پ ر)سابق ایم این اے نائب امیر جماعت اسلامی پاکستان اسداللہ بھٹو سیہون شریف کے دورے پر پہنچے جہاں انہوں نے حضرت لعل شہباز قلندرؒ کے گدی نشین مرحوم مظفر علی شاہ کے بیٹوں معظم حسین شاہ ، مکرمین شاہ سے تعزیت کرنے کے بعد مرحوم حمزو خان بوزدار کے مرتضیٰ علی اصغر بوزدار سے بھی تعزیت کی۔ نائب امیر جماعت اسلامی پاکستان گاؤں رئیس بنگل خان بوزدار پہنچے تو لوگوں نے ان کا شاندار استقبال کیا اور پھولوں کی پتیاں نچھاور کیں جہاں انہیں سندھ کی ثقافت اجرک بھی پیش کی گئی۔ اس کے بعد اسد اللہ بھٹو نے ان لوگوں سے بنیادی مسائل اور سیاسی سرگرمیوں کے حوالے سے بات چیت کی۔ اس موقع پر نائب امیر جماعت اسلامی صوبہ سندھ حافظ نصراللہ عزیز چنا، ڈپٹی سیکرٹری حزب اللہ جکھرو،امیر جماعت اسلامی دادو مولوی واحد بخش ، امیر جماعت اسلامی سیہون شریف عبد النبی بوزدار اور نائب امیر جماعت اسلامی جامشورو قادر بخش بوزدارسمیت دیگران کے ہمراہ موجود تھے۔
