کراچی (اسٹاف رپورٹر) پاکستان ہاکی فیڈریشن نے ایشین چیمپینز ٹرافی کی تیاری کے لیے30رکنی قومی ہاکی تربیتی کیمپ کا اعلان کردیا ، ہیڈ کوچ اولمپین خواجہ جنید کیمپ کمانڈنٹ تعینات، کیمپ 20 نومبر سے نیشنل ہاکی اسٹیڈیم لاہور میں منعقد ہوگاتفصیلات کے مطابق 14 دسمبر تا 22 دسمبر بنگلا دیش کے شہر ڈھاکا میں منعقد ہونے والی ایشین چیمپینز ٹرافی میں شرکت کے لیے قومی ہاکی ٹیم کی تشکیل اور تیاری کے سلسلے میں پاکستان ہاکی فیڈریشن نے 30 کھلاڑیوں کو قومی سینئر ہاکی تربیتی کیمپ میں بلوا لیا ہے۔ کیمپ 20 نومبر سے نیشنل ہاکی اسٹیڈیم لاہور میں منعقد ہوگا جوکہ 10 دسمبر تک جاری رہے گا۔ کیمپ میں شامل کھلاڑیوں کو ہدایات جاری کردی گئی ہیں کہ وہ اپنے محکمانہ این او سی، چھ ماہ معیادی پاسپورٹ، آٹھ عدد پاسپورٹ سائز تصاویر سمیت 20نومبر کو کیمپ کمانڈنٹ و ہیڈ کوچ قومی ہاکی ٹیم اولمپین خواجہ جنید کو رپورٹ کریں۔پاکستان ہاکی فیڈریشن کی جانب سے قومی ہاکی تربیتی کیمپ میں جن 30کھلاڑیوں کو بلوایا گیا ہے ان میں منیب الرحمٰن(گول کیپر، سوئی سدرن گیس)، اکمل حسین(گول کیپر، واپڈا)، دفاعی کھلاڑی: مبشر علی (واپڈا)، ابوبکر محمود(نیشنل بینک)، تعظیم الحسن (ماڑی پیٹرولیم)، امجد علی خان (واپڈا)، جنید کمال (نیشنل بینک)، عماد شکیل بٹ(نیشنل بینک)، احتشام اسلم (ماڑی پیٹرولیم) سمیع اللہ خان (کسٹمز) ارباز احمد( ماڑی پیٹرولیم) فارورڈز: عمر بھٹہ (واپڈا)، علی شان (سوئی سدرن گیس)، ایم اظفر یعقوب (سوئی سدرن گیس)، اعجاز احمد (واپڈا)، احمد ندیم (نیشنل بینک)، حمزہ وحید (ایئر فورس)، سلمان رزاق (واپڈا)، نوید عالم (سوئی سدرن گیس)، عبید اللہ (سندھ،واپڈا)، نوحیز زاہد ملک (نیشنل بینک)، افراز (ماڑی پیٹرولیم)، جنید منظور (نیشنل بینک)، ذکریا حیات (ایئرفورس)، علی عزیز (واپڈا)، مرتضیٰ یعقوب (ماڑی پیٹرولیم)، حسن امین (ملتان)، شاہ زیب خان (سندھ)، ایم رضوان سینئر (آرمی) اور عثمان خان (پنجاب) شامل ہیںکیمپ کمانڈنٹ ، ہیڈ کوچ قومی ہاکی ٹیم اولمپین خواجہ جنید ہونگے جبکہ کوچز اولمپین سید سمیر حسین( ایئر فورس) اور اجمل خان لودھی انٹرنیشنل(سیالکوٹ) ، ندیم خان لودھی(سیالکوٹ) ویڈیو انالسٹ، ڈاکٹر اسد عباس شاہ (لاہور) اور عابد امین (لاہور) بطور فریکل ٹرینر قومی ہاکی تربیتی کیمپ میں پیشہ ورانہ ذمہ داریاں سرانجام دینگے۔
