لاہور(جسارت نیوز) پی سی بی سینٹرل پنجاب انٹر کلب چمپئن شپ کے میچ میں ہارٹ اٹیک سے ایک کرکٹر چل بسا۔مغل پورہ وائٹس کرکٹ کلب کے صدر خورشید کے مطابق جلو اسٹیڈیم میں باغبانپورہ ایگلٹس کے درمیان میچ میں مغل پورہ وائٹس کلب کے بیٹر وقاص خالد کا انتقال ہوگیا، وقاص خالد آئوٹ ہوکر باہر آئے تو اچانک بیٹھے گر گئے۔موقع پر موجود ریسکو حکام نے انہیں ابتدائی طبی امداد دی مگر وہ جانبر نہ ہوسکے۔ افسوس ناک واقعے کے بعد امپائرز نے میچ روک دیا۔اس موقع پر موجود چند افراد کا کہنا تھا کہ وقاص خالد آئوٹ ہوکر واپس آئے تو انہوں نے کوچ سے کہا کہ مجھ سے رنز نہیں ہو پا رہے اسی دوران ہارٹ اٹیک ہوگیا۔واضح رہے کہ گزشتہ روز کراچی کے ڈا ئویونیورسٹی گرائونڈ پر جاری میچ کے دوران کھلاڑی رضوان دل کا دورہ پڑنے سے جاں بحق ہوگیا تھا، رضوان بیٹنگ کرکے واپس لوٹا تھا کہ دل میں تکلیف محسوس ہوئی جس کے بعد ساتھی کھلاڑیوں نے رضوان کو فوری طور پر اسپتال منتقل کیا جہاں وہ جانبر نہ ہو سکا۔
