چکوال (صباح نیوز)بلوچستان میں خضدار کے قریب سی ٹی ڈی کے آپریشن کے دوران2 دہشت گرد ہلاک ہو گئے۔ترجمان سی ٹی ڈی کے مطابق منگل کو خضدار کے علاقے سارونہ میں دہشت گردوں کی موجودگی کی اطلاع پر چھاپا مارا گیا، جہاں دہشت گردوں سے فائرنگ کا تبادلہ ہوا، دوران آپریشن2 مبینہ دہشت گرد ہلاک ہو گئے جبکہ اسلحہ اور گولہ بارود برآمدکر لیا گیا۔ دوسری جانبکائونٹرٹیررازم ڈپارٹمنٹ (سی ٹی ڈی) نے چکوال میں کارروائی کرتے ہوئے ایک دہشت گرد کو گرفتار کرلیا۔ سی ٹی ڈی کے مطابق دہشت گرد سے آر پی جی لانچر، دستی بم، راکٹ لانچر، مشین گن سمیت دیگر سامان برآمد کرلیا گیا۔ دہشت گرد کا تعلق کالعدم تنظیم سے ہے۔
