کراچی(اسٹاف رپورٹر) پی سی بی کی اجازت سے اور پاکستان کرکٹ کلب کے زیراہتمام منعقدہ آل کراچی جمشید عمر انویٹیشن کرکٹ ٹورنامنٹ میں مزید 2 میچوں کے فیصلے ہوگئے کے سی سی اے اسٹیڈیم پر کھیلے گئے پہلے میچ میں بقائی ڈولفن کرکٹ کلب نے محمد یاسین کی شاندار سنچری کی بدولت نیو یونائیٹڈ جمخانہ کو باآسانی 250 رنز سے شکست دیدی بقائی ڈولفن کرکٹ کلب نے پہلے بیٹنگ کرتے ہوئے مقررہ 45 اوورز میں 7 وکٹوں کے نقصان پر 319 رنز اسکور کئے محمد یاسین نے 12 چوکّوں اور3 چھکوں کی مدد سے 101 گیندوں پر شاندار سنچری 116 رنز اسکور کئے جبکہ یاسر اختر نے 61 رنز اسکور کئے نیو یونائیٹڈ جمخانہ کی جانب سے محمد عاشر نے 3 اور عمیر شریف نے 2 کھلاڑیوں کو آئوٹ کیا جواب میں نیو یونائیٹڈ جمخانہ کی پوری ٹیم 21۰3 اوورز میں صرف 69 رنز بناکر آئوٹ ہوگئی محمد عاشر نے 19 رنز اور نجیب اللہنے 18 رنز اسکور کئے بقائی ڈولفن کرکٹ کلب کی جانب سے محمد عمران نے3 جبکہ امین احمد ، محمد احمد اور لطیف احمد نے2,2 کھلاڑیوں کو آئوٹ کیا کے سی سی اے اسٹیڈیم پر کھیلے گئے دوسرے میچ میں ناظم آباد جمخانہ نے پاپوش نگر کرکٹ کلب کو عبداللطیف جونیجو کی آل راؤنڈ کارکردگی کی بدولت 142 رنز کے بھاری مارجن سے شکست دیدی۔
