سکھر: پاکستان پیپلز پارٹی کے رہنما سید خورشید شاہ نے کہا ہے کہ بجلی اور تیل کی قیمتیں کئی گنا بڑھ گئیں، پٹرول کی قیمت بڑھا کر عوام پر دو سو ارب ڈالر کا بوجھ ڈالا گیا ہے۔
پاکستان پیپلزپارٹی کے رہنما خورشید شاہ نے سکھر میں میڈیا سے گفتگو کرتے ہوئے کہا کہ ملک کا سب سے اہم مسئلہ مہنگائی ہے، کراچی میں 1300 جبکہ سکھر میں 1200 کا گوشت مل رہا ہے، جو 700 میں ملتا تھا، ڈر ہے دسمبر تک تیل 150 سے زیادہ جبکہ ڈالر 200 تک جائے گا۔
انہوں نے کہا کہ عمران خان وقتی طور پر بیان دے کر اپنی جان چھڑاتے ہیں، عمران خان کو اکانومی کی سمجھ نہیں ، اگر اکانومی سمجھ نہیں آتی تو باتیں نہ کیا کریں۔
انہوں نے کہا کہ سیاست میں کوئی آخری فیصلہ نہیں ہوتا، حالات کے تحت فیصلے بلدتے ہیں، پارلیمنٹ میں اپوزیشن ایک پیج پر ہے، کوشش کروں گا کہ اپوزیشن کو ایک پلیٹ فارم پر لیکر آئوں، سب مجھے عزت دیتے ہیں، عمران خان کو امین اور صادق قرار دینے والے خود کتنے صادق ہیں سب کو علم ہے۔
