کراچی(اسٹاف رپورٹر) آل کراچی جمشید عمر انویٹیشن کرکٹ ٹورنامنٹ میں مزید2 میچوں کا فیصلہ ہوگیا ،ٹی ایم سی کرکٹ گرائونڈ پر کھیلے گئے پہلے میچ میں منصورہ اسپورٹس نے مطیع الرحمٰن کی شاندار سنچری کی بدولت تاج اسپورٹس کو 118 رنز سے شکست دیدی ،منصورہ اسپورٹس نے پہلے بیٹنگ کرتے ہوئے مقررہ 45 اوورز میں 9 وکٹوں کے نقصان پر 275 رنز اسکور کیے، مطیع الرحمٰن نے 8چوکّوں اور ایک چھکے کی مدد سے 121 گیندوں پر شاندار سنچری 107 رنز اسکور کیے۔جواب میں تاج اسپورٹس کی پوری ٹیم 30 اوورز میں 157 رنز بناکر آئوٹ ہوگئی۔ اجمل خان نے 91 رنز اسکور کیے، جبکہ مظاہر صدیقی نے 30 رنز اسکور کیے۔ کفیل مغل نے 38 رنز دے کر 4 کھلاڑیوں کو آئوٹ کیا ۔کے سی سی اے اسٹیڈیم پر کھیلے گئے دوسرے میچ میں ناظم آباد جمخانہ بلیوز نے زبیر دلاور کی جارحانہ سنچری کی بدولت راوی جمخانہ کو باآسانی 154 رنز سے شکست دیدی ۔ناظم آباد جمخانہ بلیوز نے پہلے بیٹنگ کرتے ہوئے تمام کھلاڑیوں کے نقصان پر 38۰3 اوورز میں 229 رنز اسکور کیے۔ زبیر دلاور نے جارحانہ بیٹنگ کا مظاہرہ کرتے ہوئے12 چوکّوں اور ایک چھکے کی بدولت 92 گیندوں پر 108 رنز اسکور کیے۔ جبکہ قادر خان نے 59 رنز بنائے۔ ارسلان مسعود نے 24 رنز دے کر 4کھلاڑیوں کو آئوٹ کیا۔ ہدف کے تعاقب میں راوی جمخانہ کی پوری ٹیم 27۰1 اوورز میں صرف 75 رنز بناکر آئوٹ ہوگئی ۔ ظفر علی نے 23 رنز دے کر 4 جبکہ فرحان زمان نے 14 رنز دے کر 2 کھلاڑیوں کو آئوٹ کیا ۔
