کراچی (اسٹاف رپورٹر )فیوچر ڈویلپمنٹ ہولڈنگ اور پاک ورلڈ ٹریڈ سینٹر کے زیر اہتمام ا سمارٹ ایکسپو پراپرٹی ایگزیبیشن اینڈ کانفرنس 29،30اور31اکتوبر 2021 کو پی سی ہوٹل پشاور میں منعقد ہوگا – اس تین روزہ نمائش میں فیوچر ڈویلپمنٹ ہولڈنگ کے پروجیکٹ ڈسپلے کیے جائیں گے یہ ایونٹ اپنی نوعیت کا ایک مختلف ایونٹ ہے جس میں لوگ ان لائن شامل ہو سکیں گے – اس تین روزہ نمائش کے بعد انویسٹ ان خیبرپختونخوا کے نام سے کانفرنس کا انعقاد کیا جائے گا ، اس تین روزہ نمائش میں صوبہ خیبر پختونخوا کی بزنس کمیونٹی اپنی فیملی کے ساتھ کثیر تعداد میں شرکت کرے گی اور بیرون ملک سے لوگ آن لائن شامل ہوں گے – فیوچر ڈویلپمنٹ ہولڈنگ کے چیف آپریٹنگ آفیسر اسلم ملک نے میڈیا سے گفتگو کرتے ہوئے کہا کورونا کی خوفناک لہر کے بعد حکومت پاکستان کی جانب سے کنسٹرکشن انڈسٹری کو مزید فروغ کرنے کا اقدام بہت اچھا ہے جس کی وجہ سے لاکھوں لوگوں کا روزگار بحال ہوا ہے اسی ثمر میں اسمارٹ پراپرٹی ایکسپو بلڈرز ، ڈویلپرز اور پراپرٹی خریدنے والوں کو ایک جگہ اٹھا کرنے کا بہترین موقع ہے چیئرمین پاک ورلڈ ٹریڈ اینڈ ایکسپو سینٹر خورشید برلاس نے کہا کہ اسمارٹ پراپرٹی ایکسپو صوبہ خیبرپختونخوا میں انویسٹمنٹ کے حوالے سے ایک اہم کردار ادا کرے گی جس سے صوبہ کی معیشت کو فروغ حاصل ہوگا۔
