اسلام آباد (اسٹاف رپورٹر) جماعت اسلامی پاکستان حلقہ خواتین کی مرکزی و صوبائی قیادت آج اسلام آباد کا دورہ کرے گی، جس میں نائب قیمہ عطیہ نثاراور ناظمہ صوبہ پنجاب شمالی ثمینہ احسان پہلے سیشن میں ناظمہ ضلع نصرت ناہید ،ناظمات زون ،اراکین شوریٰ کے ساتھ اجلاس میں ضلع اسلام آباد میں ہونے والے تمام کاموں کا جائزہ لیں گی اور دوسرے سیشن میں منعقد ہونے والے اجتماع میں ارکان سے خصوصی خطاب کریں گی۔ اجتماع میں ارکان مرکزی نظم کو اپنی ذمے داریوں سے آگاہ کریں گی ۔اجتماع میں نئے اراکین کا حلف بھی لیاجائے گا۔
