کراچی (اسٹاف رپورٹر) الرحمٰن کرکٹ کلب کے زیر اہتمام منعقدہ محمد زبیر محمدی میموریل کرکٹ ٹورنامنٹ میں مزید دو میچوں کا فیصلہ ہوگیا ٹی ایم سی کرکٹ گراونڈ پر کھیلے گئے پہلے میچ میں پاک فلیگ کرکٹ کلب نے ایل ای آر پی ٹیسر ٹاون کرکٹ کلب کو پانچ وکٹوں سے شکست دیدی ایل ای آر پی ٹیسر ٹاون کرکٹ کلب نے پہلے بیٹنگ کرتے ہوئے 29۰1 اوورز میں 179 رنز بناکر آئوٹ ہوگئی حضرت شیریں نے 41 رنز جبکہ ظہیر عباس اور شفقت جاوید نے 32 ، 32 رنز اسکور کیے، سید سلیمان اور شاہد اختر نے 3، 3 جبکہ تیمور طاہر نے 2 کھلاڑیوں کو آئوٹ کیا ،جواب میں پاک فلیگ کرکٹ کلب نے مطلوبہ ہدف 182 رنز 24۰4 اوورز میں 5 وکٹوں کے نقصان پر پورا کرلیا شعیب شاکر نے 73 رنز اور شاہد اختر نے 39 رنز اسکور کیے۔ ٹی ایم سی کرکٹ گراونڈ پر کھیلے گئے دوسرے میچ میں لاروش کرکٹ کلب نے گڈ لک کرکٹ کلب کو باآسانی 8 وکٹوں سے شکست دے دی گڈ لک کرکٹ کلب کی پوری ٹیم پہلے بیٹنگ کرتے ہوئے 26۰4 اوورز میں 141 رنز بناکر آوٹ ہوگئی۔
