سکھر (نمائندہ جسارت) الخدمت فاؤنڈیشن سکھر کی سکھر سینٹرل جیل کے قیدیوں میں وہیل چیئر کی تقسیم، الخدمت فاؤنڈیشن کے ڈائریکٹر ڈزاسٹر مینجمنٹ سندھ خیر محمد تنیو کی شرکت۔ الخدمت فاؤنڈیشن سکھر کی طرف سے سکھر سینٹرل جیل میں معذور افراد کے لیے وہیل چیئر مہیا کی گئیں اور معذور قیدیوں سے ملاقات بھی کی گئی۔ اس موقع پر خیر محمد تنیو ڈائریکٹر ڈزاسٹر مینجمنٹ الخدمت فاؤنڈیشن سندھ نے اظہارِ خیالات کرتے ہوئے کہا کہ جیل میں قید لوگ بھی ہمارے بھائی اور اس معاشرے کا حصہ ہیں ان کی بھلائی اصلاح اورسہولیات کے لیے الخدمت ہمیشہ کوشاں رہی گی، جیل سپرنٹنڈنٹ ممتاز راجا اورصدرِ الخدمت فاؤنڈیشن ضلع سکھر مامون الرشید بھی موجود تھے۔
