کو ئٹہ(نمائندہ جسارت )کوئٹہ میں فائرنگ کے واقعہ میں دو افراد جاں بحق ہوگئے جبکہ ایک شخص زخمی ہو گیا ہے ۔ کو ئٹہ کے علاقے سریاب روڈ پر بادینی اسٹاپ کے مقام پر نامعلوم افراد نے فائرنگ کرکے دو افراد کو قتل کردیا ،گولی لگنے سے ایک راہگیر زخمی ہو گیا ۔پولیس نے موقع پر پہنچ کر لاشیں اور زخمی کو سول اسپتال منتقل کردیا۔پولیس کے مطابق جاںبحق ہونے والوں کی شناخت اشتاق احمد ولد محمد انو اورحاجی عبدالصمد ولد اعظم خان کے نام سے ہوئی ۔ڈاکٹروں نے ضروری کارروائی کے بعد نعشیں ورثا کے حوالے کردیں۔ جبکہ زخمی کو طبی امداد دی جارہی ہے۔پولیس نے مقدمہ درج کرکے مزید کاروائی شروع کردی ہے ۔
