کراچی(نمائندہ جسارت)امیرجماعت اسلامی پاکستان سراج الحق سندھ کے 3 روزہ دورے پرکل بروز بدھ 6اکتوبر کو کراچی پہنچیں گے۔ صوبائی اعلامیے کے مطابق وہ کل 6اکتوبر کو کراچی میں سیاسی، سماجی اور روحانی شخصیات سے ملاقات کے علاوہ ادارہ نور حق میں کنٹومنٹ بورڈ انتخابات میں جیتنے والے جماعت اسلامی کے کونسلرز سے خطاب کریں گے، دوسرے دن7اکتوبر کو وہ مٹھی تھرپارکر میں الخدمت اسپتال کا دورہ اوراسٹیڈیم گرائونڈ اسلام کوٹ میں منعقدہ جلسے سے خطاب کریں گے جبکہ 8اکتوبر کو سکھر میں دعوتی،تنظیمی اجلاسوں سے خطاب کے علاوہ مختلف سیاسی،دینی اور سماجی رہنمائوں سے ملاقات کریں گے۔ اس موقع پر مرکزی نائب امیر اسداللہ بھٹو، صوبائی امیر محمد حسین محنتی ودیگر صوبائی ومقامی رہنما بھی ان کے ہمراہ ہوںگے۔
