سکھر (نمائندہ جسارت) جماعت اسلامی صوبہ سندھ کے نائب قیم مولانا حزب اللہ جکھرو نے کرم پور تنیہ محلہ میں جماعت کے ساتھیوں کے ساتھ نشست کی، اس موقع پر انہوں نے تنظیمی کام اور دعوتی امور پر تبادلہ خیال کیا، نشست میں خیر و برکت کیلیے دعا کرائی گئی۔ علاوہ ازیں مولانا حزب اللہ جکھرو نے جماعت اسلامی جوناس( پنوعاقل) کے امیر مولانا صدرالدین سومرو سے انکی اہلیہ، تنگوانی میں جماعت اسلامی کے پرانے حلقے آباد میں محمد قاسم بگٹی کی اہلیہ،حسین احمد، بشیر احمد وشبیر احمد کی والدہ، مولانا حبیب اللہ کی ساس کی وفات پر اظہار افسوس و تعزیت کیا اورمرحومین کے ایصال ثواب کیلیے فاتحہ خوانی اور دعائے مغفرت کی۔ انہوں نے جماعت اسلامی کے رکن مولانا محمدسچل بجارانی کی وفات پر مرحوم کے بھائیوں اور صاحبزادوں سے گھر جاکر تعزیت کی اور دعا کی کہ اللہ تعالی مرحوم کی مغفرت فرمائے۔
