لاڑکانہ(نمائندہ جسارت) ایس ایس پی لاڑکانہ عمران قریشی کی ہدایات پر لاڑکانہ پولیس نے جرائم پیشہ افراد کے خلاف کارروائیاں کرتے ہوئے قتل اور منشیات جیسے سنگین نوعیت کے مقدمات میں مطلوب چار ملزمان کو گرفتار کرکے اسلحہ، منشیات، موٹرسائیکلیں، موبائل فون اور نقدی برآمد کرلی ہے۔ فتح پور پولیس نے انصاف بگھیو قتل مقدمے میں مطلوب دو ملزمان اللہ داد جونیجو اور مور جونیجو کو پستول اور گولیوں سمیت سول لائن پولیس نے دوران چیکنگ منشیات فروش نوید شہزاد عرف ٹوٹی عیسائی کو شراب اور بھنگ سمیت اور انچارج ہوٹل آئی مینجمنٹ سسٹم کے ذریعے ضلع سکھر کے تھانہ اے سیکشن میں مطلوب ملزم دائود خلجی کو گرفتار کرلیا ہے۔دوسری جانب سول لائن پولیس نے رضا سومرو کی چوری شدہ موٹرسائیکل، ائرپورٹ پولیس نے بابر ساریو کی چھینی گئی موٹرسائیکل، آئی فون اور نقدی، سچل پولیس نے گلزار احمد کی چوری شدہ موٹرسائیکل برآمد کرکے اصل مالکان کے حوالے کردی ہیں۔
