میرپورخاص(بیورو رپورٹ) میرپورخاص انڈر 19 کرکٹ ٹیم نے سٹی کرکٹ ایسو سی ایشن انڈر 19 کرکٹ ٹورنامنٹ کے پہلے میچ میں کراچی زون 1 کی ٹیم کو سنسنی خیز مقابلے کے بعد 13 رنز سے شکست دیدی ،میچ کی خاص بات میرپورخاص کے عمر خان شیرانی کی شاندار آلرائونڈ کارکردگی تھی میونسپل اسپورٹس کمپلیکس میں کھیلے جانے والے ایک روزہ میچ میں ٹاس جیت کر پہلے بیٹنگ کرتے ہوئے میرپورخاص کی ٹیم مقررہ 50 اوورز سے قبل ہی 39 ویں اوور میں 154 رنز بناکر آئوٹ ہوگئی کپتان زوہیب خان نے 50 رنز کی ذمہ دارانہ اننگ کھیلی جبکہ عمر خان شیرانی نے ناقابل شکست 31،اور فیضان نے 15 رنز بنائے زون 1 کے خواجہ عثمان رضوان اور عادل احمد خان نے 3,3 کھلاڑیوں کو آئوٹ کیا جواب میں زون 1 کی ٹیم میرپورخاص کے لیفٹ آرم اسپنر عمر خان شیرانی کی تباہ کن بالنگ کے سامنے 40 ویں اوورز میں 141 رنز بناکر آئوٹ ہوگئی زین العابدین 47 ، محمد کیف 36 اور محمد سلیمان 19 رنز بنا سکے میرپورخاص کے عمر خان شیرانی نے 32 رنز کے عوض 6 کھلاڑیوں کو آئوٹ کیا جبکہ عمر ملک نے 2 وکٹیں حاصل کیں۔
