نوابشاہ (سٹی رپورٹر) تبلیغی جماعت کا سندھ کی سطح پر ہونے والا اجتماع شروع ہوگیا، اجتماع سے پاکستان کے معروف مبلغ وخطیب مولانا جمشید مرحوم کے بیٹے مولانا خورشید، مولانا طارق جمیل، مولانا احسان، مولانا احمد بٹلا، سابق کرکٹر شاید آفریدی اور سعید انور بھی خطاب کریں گے۔ اجتماع گاہ کی تمام تر تیاریاں مکمل کرلی گئی ہیں جبکہ حفاظتی انتظامات مکمل کرلیے گئے ہیں۔ ضلعی انتظامیہ نے بھی پولیس کے چاک وچوبند دستے تعینات کر دیے ہیں۔ سندھ بھر کی سطح پر ہونے والے اجتماع میں چار لاکھ کے قریب افراد شرکت کریں گے۔ انتظامیہ تبلیغی جماعت کا کہنا ہے کہ اجتماع کے لیے مختلف مساجد کے ذمے مختلف امور کو سر انجام دینے کے لیے کمیٹیاں قائم کی گئی ہیں۔
