لاڑکانہ (نمائندہ جسارت) ایس ایس پی لاڑکانہ عمران قریشی کی ہدایات پر لاڑکانہ پولیس نے مختلف علاقوں میں جرائم پیشہ افراد کیخلاف کارروائیاں کرتے ہوئے روپوش، و مطلوب 9 ملزمان کو گرفتار کرکے اسلحہ، گٹکے، موٹرسائیکلیں، نقدی اور موبائل برآمد کرکے مقدمات درج کرلیے ہیں۔ ایئر پورٹ پولیس نے دوران چیکنگ موہن جو دڑو روڈ سے مطلوب ملزم مسعود ابڑو کو پستول، گولیوں اور موٹر سائیکل سمیت، اللہ آباد پولیس نے رند کالونی روڈ سے سرگرم ملزم شیراز کھکھرانی کو پستول اور گولیوں سمیت، ولید پولیس نے سنگین نوعیت کے مقدمات میں مطلوب ملزم فیاض ڈاھانی کو ریوالور اور گولیوں سمیت، علی گوہر آباد پولیس نے منشیات فروش بابر جتوئی کو ایک کلو آدہا پاؤ چرس سمیت، ڈوکری پولیس نے تین ملزمان لال باغ کے قریب ملزم غفور چانڈیو کو چرس سمیت، گھجڑ روڈ سے ملزم دھنی بخش جونیجو کو بھنگ سمیت اور علی پارک سے ملزم گدا جونیجو کو مضر صحت گٹکوں سمیت، سچل پولیس نے دوران چیکنگ رائس کینال کے قریب ملزم سہیل میمن کو مضر صحت گٹکوں سمیت اور رحمت پور پولیس نے جڑیو چانڈیو لنک روڈ سے ملزم ثناء اللہ تنیو کو مضر صحت گٹکوں سمیت گرفتار کرلیا۔ دوسری جانب اللہ آباد پولیس نے چھینی جانے والی نقدی برآمد کرکے اصل مالک مسلم سیہڑ، دڑی پولیس نے چھینی جانے والی نقدی 15 ہزار، موبائل فون اور موٹر سائیکل برآمد کرکے اصل مالک جبکہ ولید پولیس نے چوری شدہ موبائل فون برآمد کرکے اصل مالک کے حوالے کردی ہے۔
