اسلام آباد/ تہران (آئی این پی) پاک بحریہ کے سربراہ ایڈمرل محمد امجد خان نیازی نے ایران کی نیوی کے کمانڈر ریئر ایڈمرل شہرام ایرانی اور ناردرن فلیٹ کے کمانڈر کموڈور عبدالوہاب طاہری سے ملاقات کی جس دوران باہمی دلچسپی کے پیشہ ورانہ امور ، دو طرفہ بحری تعاون بڑھانے اور بحر ہند میں سیکورٹی صورتحال پر تبادلہ خیال کیا گیا۔ منگل کو ترجمان پاک بحریہ کی طرف سے جاری بیان کے مطابق ایڈمرل محمد امجد خان نیازی ایران کے سرکاری دورے پر ہیں۔
