ٹھٹھہ( نمائندہ جسارت )ایس ایس پی ٹھٹھہ ڈاکٹر محمد عمران خان کی خصوصی ہدایات پر انچارج 15 مددگار بیس ٹھٹھہ سب انسپکٹر فرحان الدین شیخ نے معہ اسٹاف کے دوران گشت کے دوران خفیہ اطلاع ملنے پر بائی پاس چوک مکلی پر کامیاب کارروائی کرکے کرولا کار میں موجود گھٹکا مٹیریل سپلائی کرنے کی کوشش ناکام بناکر ایک ملزم عبدالغفار شاہ کو 168 کلو گھٹکا مٹیریل سمیت گرفتار کرلیا۔ ایس ایچ او گھارو تھانہ انسپکٹر ممتاز علی بروہی نے معہ اسٹاف کے دوران گشت خفیہ اطلاع ملنے پر فلٹر پلانٹ گھارو کے قریب کامیاب کارروائی کرکے سوزوکی پک اپ میں گھٹکا مٹیریل سپلائی کرنے کی کوشش ناکام بناکر 3 ملزمان محمد سلیم شیخ ،علی نواز شیخ اور محمد اقبال جوکھیو کو 70 کلو گھٹکا مٹیریل سمیت گرفتار کرلیا۔ ایس ایچ او سب انسپکٹر تھانہ گھوڑا باری عبدالحمید رودنانی انچارچ پولیس پوسٹ پیر پٹھو سب انسپکٹر ہاشم سومرو انچارج پولیس پوسٹ ور سب انسپکٹر ظفر زئور نے اسٹاف دوران گشت پیر پٹھو ور اور گھوڑا باری میں کارروائیاں کرکے 4 ملزمان فتح چانڈیو،غلام نبی خشک،علی محمد چانڈیو اور امین کرولائی ملاح کو گرفتارکر کے 3200 پیکٹ گھٹکا ماوا برآمد کرلیا۔ ایس ایچ او سب انسپکٹر تھانہ ساکرو گل حسن کچھار اور انچارج پولیس پوسٹ بہارا اے ایس آئی غلام حیدر جانوری نے معہ اسٹاف کے دوران گشت خفیہ اطلاع ملنے پر بہارا کے قریب شراب کی بٹھی پر چھاپا مار کر ایک ملزم زوالفقار علی خاصخیلی کو گرفتار کرکے 200 لیٹرز اور 50 بیگز دیسی شراب برآمد کرکے بٹھی کو مسمار کردیا تمام گرفتار ملزمان کے خلاف تھانوں میں مقدمات درج کرلیے گئے پولیس کی کامیاب اور دبنگ کارروائیوں پر ضلع ٹھٹھہ کی سماجی سیاسی مذہبی جماعتوں شہریوں اور تاجروں نے ایس ایس پی ٹھٹھہ ڈاکٹر محمد عمران خان،انچارج مددگار بیس سب انسپکٹر فرحان الدین شیخ،ایس ایچ او انسپکٹر گھارو تھانہ ممتاز علی بروہی،ایس ایچ اوسب انسپکٹر گھوڑا باری عبدالحمید رودنانی،انچارج پولیس پوسٹ پیر پٹھو سب انسپکٹر ہاشم سومرو انچارج پولیس پوسٹ ظفر زئور ایس ایچ او ساکرو تھانہ گل حسن کچھار انچارج و اے ایس آئی پولیس پوسٹ بہارا غلام حیدر جانوری اور پوری پولیس پارٹی کو مبارکباد پیش کی ہے۔
