کوئٹہ (نمائندہ جسارت) کوئٹہ اور مستونگ میں زمین کے تنازع پر فائرنگ، 3 افراد جاں بحق ہوگئے۔ پولیس کے مطابق خروٹ آباد تھانے کی حدود میں ائرپورٹ روڈ پر شان ہوٹل کے قریب زمین کے تنازع پر 2 قبائل کے لوگ آپس میں لڑ پڑے، فائرنگ سے شاہوانی اور خلجی قبیلے کے 2 افراد جاں بحق ہوگئے۔ پولیس نے واقعے کا مقدمہ درج کرکے قانونی کارروائی شروع کردی۔ علاوہ ازیں بلوچستان کے ضلع مستونگ میں بھی زمین کے تنازع پر ایک شخص اسلم شیخ کو قتل کردیا گیا، پولیس نے مقدمہ درج کرکے ملزمان کی تلاش شروع کردی۔
