راولپنڈی: آرمی چیف جنرل قمر جاوید باجوہ نے سعودی چیف آف جنرل اسٹاف فیاض بن حامد سے ملاقات کی ، جس میں باہمی دلچسپی کے امور اور خطے کی صورتحال پر تبادلہ خیال کیا گیا۔
پاک فوج کے ترجمان شعبہ تعلقات عامہ آئی ایس پی آر کے مطابق ملاقات میں افغانستان کی سیکیورٹی صورتحال اور دوطرفہ دفاعی تعاون اور ٹریننگ ایکس چینج پروگرام پر گفتگو کی گئی۔
سعودی چیف آف جنرل اسٹاف نے خطے میں پاکستان کی امن کی کوششوں کی مکمل حمایت کرتے ہوئے دہشت گردوں کے خلاف جنگ میں پاکستان کی کامیابیوں کو سراہا اور سعودی مسلح افواج کی تربیت کے لیے پاک فوج کی معاونت پر شکریہ ادا کیا۔
سعودی جنرل فیاض بن حامد نےدوطرفہ دفاعی تعاون بڑھانے کی خواہش کا اظہار کیا،پاک فوج کے چاقوچوبند دستے نے سعودی مہمان کو گارڈ آف آنر پیش کیا،سعودی چیف آف جنرل نے یادگار شہدا پر پھول بھی رکھے۔
