محکمہ محنت حکومت سندھ کی جانب سے کم سے کم غیر ہنرمند ورکرز کی اجرت 25 ہزار روپے کے جاری کردہ نوٹیفکیشن کو صنعتکاروں نے ہائی کورٹ میں رٹ دائر کی ہے۔ موقف میں کہا ہے کہ سندھ سرکار نے مشاورت کئے بغیر کم سے کم اجرت میں 43 فیصد اضافہ کیا ہے۔ تمام ٹریڈ آرگنائزیشنز کے رہنماؤں نے بھی پریس کانفرنس کرکے نوٹیفکیشن کو غیر قانونی قرار دیا ہے۔ مزدور رہنماؤں کی جانب سے خاموشی سمجھ سے باہر ہے۔ پائلر، پیپلز لیبر بیورو، این ایل ایف، این ٹی ایف یو سمیت کسی ایک نے ابھی تک مذمت نہیں کی ہے۔ اگست کے پہلے ہفتے میں پیشی ہے۔ ایک پلیٹ فارم کے ذریعے فریق بن جائیں اور معزز عدالت کو سرمایہ داروں کے اداروں میں ملازمین کے ساتھ ہونے والی ناانصافیوں اور زمینی حقائق کو واضح طور پر آگاہ کیا جائے ۔
