نالہ لئی راولپنڈی کا واحد بڑا مسئلہ ہے، وزیرداخلہ

ویب ڈیسک -
709

راولپنڈی: وزیرداخلہ شیخ رشید کا کہنا ہےکہ انشااللہ اسی سال نالہ لئی کا منصوبہ شروع ہوگا، نالہ لئی کے آس پاس جتنی بھی آبادی ہے ہمارے لیے قیمتی ہے اور نالہ لئی سے متعلق وزیراعظم، عثمان بزدار اور نیس پاک سے میٹنگ جاری ہیں۔

تفصیلات کے مطابق وفاقی وزیر داخلہ نے نالہ لئی کا دورہ کیا اور وہاں موجود نمائندوں سے بات چیت کرتے ہوئے کہا ہےکہ نالہ لئی سے متعلق عمران خان، عثمان بزدار اور نیسپاک سے میٹنگز جاری ہیں اوراسی سال نالہ لئی کا منصوبہ شروع ہوگا۔

وفاقی وزیر نے کہا کہ اسلام آباد کے سارے نالوں پر لوگوں نے قبضے کیے ہیں، نالہ لئی منصوبے کے افتتاح کی خوشخبری 90 روز کے اندر دیں گے جبکہ نالہ لئی منصوبہ جب شروع کیا تھا تو 26 ارب کا تھا اب 90 ارب تک پہنچ گیا ہے۔

انہوں نے کہا کہ نالہ لئی کے آس پاس جتنی بھی آبادی ہے ہمارے لیے قیمتی ہے، واسا سمیت ریسکیو کیلئے پولیس فوج اور لوکل انتظامیہ موجود ہے جبکہ لوگوں نے اسلام آباد کے سارے نالوں پر قبضہ کیا ہوا ہے۔

مزید خبریں