لاڑکانہ(نمائندہ جسارت)ولید پولیس نے نیو بس ٹرمینل سے مقابلے کے دوران ملزم سہیل چانڈیو کو 5 موٹرسائکلیوں سمیت، یونیورسٹی پولیس نے اشتہاری ملزم پنہل ودہو کو اور علی گوہرآباد پولیس نے ملزم عمران جتوئی کو 8 کلو بھنگ اور چوری شدہ موٹرسائیکل سمیت گرفتار کرلیا ہے، رتوڈیرو پولیس نے شہری سہیل بوزدار کی چوری شدہ موٹرسائیکل، گڑہی خدابخش بھٹو پولیس نے تین چوری شدہ موبائل فونز برآمد کرکے اصل مالکان ابرار علی منگی، محمد یوسف بھٹو اور حسنین خان کے حوالے کردیے ہیں۔ پولیس کے مطابق گرفتار ملزمان کیخلاف مقدمات درج کرکے تفتیش شروع کردی گئی ہے۔
