دادو (نمائندہ جسارت) دادو مسلم لیگ ن کے رہنماء مقدس بھنڈ کی جانب پریس کلب کے صحافیوں کے اعزاز میں عید ملن پارٹی کا اہتمام کیا گیا۔ تقریب میں سینئر صحافی و صدر دادو پریس کلب صابر بھنڈ، سابق صدر گلن بھنڈ،غوث علی جھتیال، آزاد بلوچ، ارباب رستمانی، ولی محمد لونڈ، قربان خشک، فتاح شیخ، راجہ کوریجو، مولا بخش شیخ، اسلم لغاری، ادل مہیسر و دیگر صحافیوں کی شرکت۔ اس موقع پر مسلم لیگ رہنماء مقدس بھنڈ نے کہاکہ اس وقت ملک میں مہنگائی نے عوام کی کمر توڑ دی ہے، غریب آدمی دو وقت کی روٹی کے لیے پریشان ہے، ملک میں بیڈ گورننس سے عام آدمی کی زندگی اجیرن بن چکی ہے، بجلی کا نظام درہم برہم ہے نیازی حکومت ہر طرح سے ناکام ہوچکی ہے۔ ملک میں ترقی اور خوشحالی صرف نواز شریف ہی لاسکتے ہیں۔ تقریب میں مسلم لیگ ن کے آصف راجپر، محمد عیسیٰ سولنگی، جاوید قمبرانی بابو خیرالدین بھنڈ و دیگر شریک تھے۔
