کراچی (اسٹاف رپورٹر) بلوچستان باکسنگ ایسوسی ایشن کے زیر اہتمام آٹھواں شہیدظاہر شاہ سندھ بلوچستان باکسنگ ٹورنامنٹ جو ایوب اسٹیڈیم کوئٹہ میں منعقد ہورہا ہے کے لیے سندھ باکسنگ ٹیم کے 2 روزہ ٹرائلز مکمل ہوئے۔ سندھ باکسنگ ٹیم 36 کھلاڑیوں 5 کوچز اور 3 ریفری ججز پر مشتمل ہے۔ سیکریٹری سندھ باکسنگ ایسوسی ایشن عبد الرزاق بلوچ کے مطابق 2 روزہ ٹرائلز میں سندھ کے تمام ڈویژن کے باکسروں نے حصہ لیا۔ سابق انٹر نیشنل باکسر عبدالخالق و محمد امین، محمد فیصل ٹیم کے کوچ جبکہ عبدالرزاق منیجر، ٹیکنیکل آفیشلز میں رستم بلوچ، شیر محمد،اور ہارون احمد جبکہ آصف بلوچ ٹیم کے کو آرڈینیٹر ہیں۔نو منتخب باکسنگ ٹیم بذریعہ بس کوئٹہ روانہ ہوگئی۔
