کراچی (سید وزیر علی قادری) پاکستان ہاکی کا ایک اور ستارہ ٹوٹ گیا،مایہ ناز کھلاڑی اولمپین نوید عالم انتقال کرگئے، نوید عالم کی پیر کی شب شوکت خانم اسپتال میں کیموتھراپی ہوئی تھی جس کے بعد ان کی طبیعت بگڑگئی ۔ انہیں آئی سی یو منتقل کیا گیاتاہم وہ خالق حقیقی سے جا ملے۔ نوید عالم 1994ء کے سڈنی ورلڈ کپ کی فاتح ٹیم کے رکن تھے۔نوید عالم نے اولمپکس ، چیمپئنز ٹرافی، ایشین گیمز سمیت دیگر ایونٹس میں پاکستان کی نمائندگی کی جبکہ وہ پاکستان ، چین اوربنگلا دیش ہاکی ٹیم کے کوچ بھی ر ہے۔مرحوم کی نماز جنازہ گزشتہ شب 10 بجے کمپنی باغ شیخوپورہ میں ادا کی گئی۔ پاکستان ہاکی فیڈریشن کے سیکرٹری جنرل اولمپیئن آصف باجوہ، چیئرمین قومی ہاکی سلیکشن کمیٹی اولمپیئن منظور جونیئر، سیکرٹری پنجاب ہاکی ایسوسی ایشن کرنل ر آصف ناز کھوکھر، ہیڈ کوچ قومی ہاکی ٹیم اولمپیئن خواجہ جنید، ہیڈ کوچ قومی جونیئر ہاکی ٹیم اولمپیئن دانش کلیم، ڈائریکٹر ایڈمنسٹریشن میجر ر جاوید ارشد منج، کراچی ہاکی ایسوسی ایشن کے سیکرٹری حیدر حسین سمیت پاکستان ہاکی فیملی سے وابسطہ شخصیات، اولمپینز انٹرنیشنل کھلاڑی ، ٹیکنیکل آفیشلز نے نماز جنازہ میں شرکت کی۔
