نوڈیرو(صباح نیوز) نامعلوم چور پیپلز پارٹی کے چیئرمین بلاول زرداری کے باغات سے سامان چوری کرکے فرار ہوگئے۔نجی ٹی وی کے مطابق پارٹی چیئرمین بلاول زرداری بھی چوروں کے شر سے محفوظ نہیں رہے ، بھٹو خاندان کے آبائی قصبے نوڈیرو میں بلاول زرداری کے ملکیتی باغات میں چوری ہوئی ہے۔چور بھٹو ہاﺅس نوڈیرو سے ایک کلومیٹر کے فاصلے پر گاﺅں پھلپوٹا کے قریب واقع بلاول زرداری کے امرود کے باغ سے سولر پلیٹ، انویٹر اور دیگر سامان کے علاوہ گندم، کھاد اور زرعی ادویات بھی چوری کرکے لے گئے۔ بھٹو اسٹیٹ کے منیجر اللہ ڈنو بھٹو نے کیٹی ممتاز پولیس اسٹیشن میں رپورٹ درج کرائی، جس پر پولیس نے کھوجی کتوں کی مدد سے پیروں کے نشانات پرتعاقب کرتے ہوئے ایک مشکوک شخص کو گرفتار کرلیا۔
